Վիլլա Մեդիչիի
| Վիլլա Մեդիչիի | |
|---|---|
| Villa Medici | |
 Վիլլա Մեդիչիին Տրինիտա դել Մոնտի եկեղեցու կողմից | |
| Ժամանակակից կարգավիճակ` | Ֆրանսիական ակադեմիան Հռոմում |
| Երկիր` |  Իտալիա, Հռոմ |
| Ճարտարապետական ոճ` | մաներիզմ |
| Հիմնող` | Ֆերդինանդո Մեդիչի |
| Ճարտարապետ` | Անիբալե Լիպպի |
| Կառուցման ժամանակաշրջան` | 1544 թվական |
 | |
 | |
Վիլլա Մեդիչիի (իտալ.՝ Villa Medici), վիլլա և ճարտարապետական համալիր Հռոմի Պինչո բլրի լանջին, Վիլլա Բորգեզեից ներքև, Տրինիտա դել Մոնտեի հարևանությամբ։ Նախկինում այդ վայրում տարածված էր հանրահայտ Լուկուլայի այգիները։ Այստեղ է գտնվել վիլլան, որտեղ կյանքից զրկվել է կայսրուհի Մեսալինան։ Վիլլա Մեդիչիին հիմնադրվել է Ֆերդինանդո I Մեդիչիի կողմից և այժմ հանդիսանում է Ֆրանսիայի հանրապետության սեփականությունը՝ այնտեղ գործում է Ֆրանսիական ակադեմիան Հռոմում։
Պատմություն
[խմբագրել | խմբագրել կոդը]1564 թվականին կարդինալի ազգական Ջովաննի Ռիչին գնում է այդ տարածքը և սկսում վիլլայի բարեկարգումը ճարտարապետ Նանի Լիպիի ղեկավարությամբ։ Սակայն վերջինս մահանում է և աշխատանքները շարունակվում են նրա որդու՝ Անիբալե Լիպիի ղեկավարությամբ։
1576 թվականին սեփականությունը ձեռք է բերվում կարդինալ Ֆերդինանդո Մեդիչիի կողմից, որը ավարտում է կառույցը Բարտոլոմեո Ամանատիի էսքիզներով։ Վիլլա Մեդիչիին անմիջապես դառնում է Հռոմի առաջին կառույցը, որը խորհրդանշում էր Մեդիչիների գերիշխանությունը իտալական իշխանների շրջանում և ապահովելու իրենց մշտական ներկայությունը Հռոմում։ Կարդինալի պնդմամբ, Ամանատին դիզայնի մեջ է ներառում հռոմյան բարելիեֆներ և արձաններ, որի արդյունքում Վիլլա Մեդիչիիի ճակատամասը դառնում է թանգարան բաց երկնքի տակ։ Վիլլան շրջապատված է հսկայական այգիներով, որոնք հիշեցնում էին Պիզայում և Ֆլորենցիայում կարդինալի հայր Կոզիմո I Մեդիչիի ստեղծած բուսաբանական այգիները։
Ֆերդինանդո Մեդիչին այգին զարդարում է արձաներով, որոնք կամ ձեռք է բերում հռոմյան տարբեր հավաքածուներից, կամ գնում է անհատներից։ Վիլլայի սկզբնամասի շատրվանը կառուցվում է 1589 թվականին Անիբալե Լիպիի կողմից։ Մեկ ու կես դար Վիլլա Մեդիչիին հանդիսանում էր հռոմեական ազնվականության զբոսանքի վայրը։
Երբ Մեդիչիների արական գծի վերջին ներկայացուցիչը մահանում է 1737 թվականին, վիլլան անցնում է Լոթարինգիայի տանը, իսկ այնուհետև, կարճ ժամանակով, Էրթուրիայի թագավորությանը։ Այսպիսով, Նապոլեոն Բոնապարտը դառնում է Վիլլա Մեդիչիիի տիրակալը, այնուհետև այն դարձնելով Ֆրանսիական ակադեմիա։
1656 թվականին, Շվեդիայի թագուհի Կրիստինան, կրակում է Սանտ Անջելո ամրոցի վրայի հրանոթներից մեկից, առանց նշան բռնելու և արկը ոչնչացնում է ճակատամասը զարդարող ֆլորենցիական ջրաշուշաններից մեկը։
Հռոմի Ֆրանսիական ակադեմիա
[խմբագրել | խմբագրել կոդը]
1803 թվականին Նապոլեոն Բոնապարտը Հռոմի Ֆրանսիական ակադեմիան տեղափոխում է Վիլլա Մեդիչիի, նպատակ ունենալով պահպանել այն ֆրանսիական հեղափոխությունից հետո։ Վիլլան և այգիները ողբալի վիճակում էին և նա ցանկանում է վերականգնել այն և Ֆրանսիայի նկարիչներին, ովքեր շահում էին Հռոմյան մրցանակը, հնարավորություն տալ տեսնել և արտատպել անտիկ ժամանակաշրջանի և Վերածննդի գլուխգործոցները։ Երիտասարդ ճարտարապետ Օգյուստ Անրի Վիկտոր դե Մոնտինի Գրաջին նախաձեռնում է վերակառուցումը։
1835-1840 թվականներին ակադեմիան ղեկավարում էր Էնգրը։
Առաջին համաշխարհային պատերազմի ժամանակ մրցանակ չէր շնորհվում, իսկ Երկրորդ համաշխարհային պատերազմի ժամանակ Մուսոլինին բռնագրավում է Վիլլա Մեդիչիին։
Վիլլա Մեդիչիիի տիրապետումը Փարիզի Կերպարվեստի ակադեմիան և Ֆրանսիայի Ինստիտուտը փոխանցում են Ֆրանսիայի մշակույթի նախարարությանը։
Աղբյուրներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Վիլլա Մեդիչիի» հոդվածին։ |
| ||||||||||
| ||||||||||||||||||||||||||||||||||||||||||||||